top of page

This site was designed with the

website builder. Create your website today.Start Now

ФУДБАЛСКО УЖИВАЊЕ

над 20 години

Фудбалот е маѓија. Играњето фудбал е неповторливо уживање. Независно од статусот, професијата или животната доба, него го практикуваат и стари и млади и популарни и анонимни и мажи и жени и деца. Тајната е во внатрешнот баланс што го има фудбалот како игра, лесно разбирливите правила, едноставноста за негово базично играње, вклученоста на сите учесници, возбудата од постигнатиот гол.

Сепак, вистинско незаборавно доживување е кога се игра ГОЛЕМ ФУДБАЛ, на голем терен, со комплетна фудбалска опрема, судии, тренери. Нашиот едукативен систем Ви нуди можност да практикувате како хоби фудбал на професионално ниво.

Зборот „аматер„ во својот корен го има зборот „амос„ што значи Љубов, нешто што се прави од Љубов и за Љубов. Во рускиот јазик за ова се користи зборот „љубител„. Програмата Фудбалско уживање е наменета за фудбалските љубители кои сакаат за уживање и сопствено задоволство да се занимаваат со фудбалот врз професионални принципи. Програмата вклучува - тренирање на голем стадион, водство од лиценциран тренер, методологија за развој на фудбалските вештини, годишна програма на работа, два тренинзи по 1 час и еден фудбалски натпревар неделно, на голем терен во трање од 2 Х 30 - 45 минути, со судии и учество во Лигата на фудбалско уживање на ГОЛЕМ ФУДБАЛ, во која се натпреваруваат сите клубови што се дел од оваа програма.

„Кога ќе стапнам на фудбалскиот терен, сите мои проблеми веднаш исчезнуваат и едниствено што е важно таму е убавината на оваа величенствена игра„ - вели Сваг Тумблир и тоа е точно. Не случајно се вели дека „Фудбалот е повеќе од игра„. Тој е волшебство, заедничко уживање, катарза и исчистување на сите наталожени болки, стравови и грижи од секојдневието. Фудбалот е моќна алатка за постигнување моментална лична среќа и тој директно влијае на сите сегменти на животот на оној што го практикува. Фудбалот е извонреден, позитивен и хуман општествен лек, што ги прави луѓето среќни - веднаш.

„Мажите гледаат фудбал - жените фудбалери„ - вели уште една фудбалска поговорка. Тоа е делумно точно. Денес, се повеќе жени играат фудбал, професионално или рекреативно а многу жени, покрај своите мажи или самостојно се станати врвни познавачи на фудбалската игра, експерти за тактика, стратегија и состав на тимовите. Со пиво, во семејна атмосфера, гледањето фудбал понекогаш е особено убаво. Се разбира, ништо неможе да го земни гледањето фудбал во живо или во паб ;)

Ние го нудиме фудбалот како семејно задоволство и заеднички спорт за секој член. Нудиме можност, додека тренира детето, наместо да го чекаат, да тренираат и неговите родители. Заедничкото учество на редовниот месечен Фудбалски пикник и заедничкото учество на фудбалски настани, гостувања и кампови се редовна пракса на нашата програма.

Конечно, во Македонија го нудиме она што е карактеристично за современиот развиен свет, на пример Англија - фудбал како начин на живот, фудбал како пат до сопствена и семејна среќа, фудбал за надминување на стресот, фудбал како соврешно организирано хоби според врвните стандарди на оваа вонвременска игра. Пријави се денес, пријави ги и членовите на своето семејство и стани дел од нашиот фудбалски универзум.

„Ние уживаме во играта„.

bottom of page