top of page

This site was designed with the

website builder. Create your website today.Start Now

ПРОФЕСИОНАЛЕН ФУДБАЛСКИ РАЗВОЈ

над 20 години

Програмата „Професионален фудбалски развој„ е наменета за професионални фудбалери над 20 години и е насочена кон перманентно одржување и подобрување на техниката, кондицијата и опфаќа одржување на психолошката стабилност, зајакнување на менталната сила по пат на врвно мотивирање на фудбалерот за достигнување на врвна форма и постигнување на врвни резултати. Успехот е предвидлив. Во современиот фудбал тој е резултат на спој на напорна работа, професионално водство и наука. Балансот помеѓу личниот и професионалнито живот на фудбалерот е од есенцијално значење за негов долгорочен успех. Кариерата на фудбалерот често има успони и падови, активно играње и пасивни периоди на клупата за резервни играчи, активен ангажман и период без активен ангажман, како и момент на повреди и особено сензитивнот период на реанимација и враќање во полна форма и кондиција по повредите. Квалитетниот третман на „неактивниот период„ и искористувње на овој период за постигнување ново, подобро ниво тесно зависи од организиран систем кој тоа го овозможува. Оваа програма е насочена кон долгорочна грижа за играчот и директно влијание за постигнување на неговиот максимум, правилно ориентирање во животот, квалитетно и логично градење на фудбалската кариера и нејзино максимално продолжување, квалитетно надмиување на „паузите„ и постигнување врвен успех.

Работата во конкретен клуб секогаш кај фудбалерот предизвикува доза на стрес. Секој тренинг и натпревар е психолошки, емотивен и физички тест на издржливост и долгорочното практикување на фудбалот како професија го изложува играчот како на физички повреди и исцрпеност, така и на психолошко, емотивно и мотивационо трошење. Нашата програма за професионален развој е вистинското место за индивидуална реанаимација што секој играч може да си ја овозможи, по пат на подготвување на индивидуална програма за негово професионално одржување и развој во согласност и синхронизираност со програмата за работа во неговиот клуб.

Програмата освен стручниоот семент опфатен во тренинзи, натпревари, едукација и реанимација по повреди содржи и детално планирање на фудбалската кариера на фудбалерот, негово претставување и застапување пред клубови во земјата и светот, изработка на портфолио и детален личен презентационен материјал, изработка и одржување на лична веб-страна и профили на социјалните мрежи, водење на лична статистика на фудбалерот и водење детално професионално играчко и медицинско дисие.

Процесот започнува со детален скрининг на моменталната, играчка, здравствена, психолошка, емотивна и мотивациона состојба на играчот, изработка на неговиот играчки профил со опфаќање на сите сегменти значајни за неговиот перманентен успех. Врз основа на добиените резултати, во тесна соработка со играчот а по негово барање

и/или во комуникација со неговиот клуб и тренер или менаџер, се изработува индивидуалната дневна, неделна, месечна и годишна програма за професионален развој на играчот. Добро земената анамнеза значи прецизна дијагноза, а точната дијагноза значи точно искористување на правиот лек за секој конкретен проблем, ситуација, состојба. Нашиот пристап создава успех како избор, не како шанса.

Освен изборот на соодветни соиграчи за неговата индивидуална програма, на секој професионален гирач му се отворени за учество и практикување на фудбалската вештина и другите две програми на Голем Фудбал - Академијата за врвен фудбал, каде што може да се приклучи и да усоврши некоја од техниките кои се работат со младинските категории или пак да се вклучи во програмата Фудбалско уживање и да учествува во редовните натпревари како играч на некој од тимовите. Доколку пак соодветниот играч нема ангажман, може да биде регистриран како и останатите фудбалери во соодветната селекција на ФК „Даме Груев„ - Скопје и да настапува за соодветниот тим, во официјалното натпреварување на ФФМ.

„Доживотното учење„ е гаранција за одржлив развој и постојан успех. „Лекот е пет пари, треба само да го знаеш„ вели народната поговорка. Програмата за Професионален фудбалски развој е алката што недостасува во фудбалот во нашата земја. Многу кариери кои до сега се прекинуваа прерано и многу фудбалери кои во определен период на својата кариера влегуваа во криза или во период без ангажман, или пак имаат сегмент во својата игра кој не е доразвиен или не е развиен во вистински обем и квалитет, со оваа програма имаат можност да ги надминат сите пречки, да изградат долга и успешна кариера и среќа во својот приватен живот. Ние создаваме вистинси карактери. Јависе веднаш и закажи термин за разговор со нашиот стручен тим, со што започнува процесот на работа во рамките на нашиот систем.

„Ние уживаме во играта„

bottom of page